This story appeared originally in Deloria’s Dakota Grammar (1932), accompanied by the same text in Lakota. I have transcribed it into two orthographies currently in use in Nakoda communities.

As some of the accented letters are not independently encoded by Unicode, the accents may not appear in the positions they should on your computer.

FPCC

Into gan tiwichoda tibi. Tiwichoda duka wanzhinna hunga cha witanga oti, hunshta. Chunwintku num wikoshkebi hunshta. Zhecha shunga-shana hanyakena hiyaya hunshta. Zhe duwa yuza shten chunwintku nunpin kʔu kta geya hunshta. Zhechen hanyakena koshka kin iyuhana giktabi. Kuwabi hunshta. Kuwabi kesh duweni yuzesh. Zhechi ihange ekta wanganganna wanzhin tagozhakpagu hokshina gichi ti.

Zhe chagniyaxpe-kuwa. Hokshina zhe echen echun. Zhe kuwabi hokshina zhe kte. Tanu zhen egnaga shunga-shana agna ixpaya tʔa. Hanyakena gikta hing wana shunga-shana tʔa wunga. Zheched tida aki hunshta. Zheched kunshitku yugaba ched hunga zhe ti ekta dagu obemni aʔi. Zheched yumnaya; wana washtegina. Zheched wana chunwintku nunpin hokshina hingnayanbi kta gaya hunshta. Wiʔogijizibam zheched owinzha unma ekta egignag. Unma waxtenashin. Hokshina owinzha kiyana ya handan iyokishnin. Hunkta ya! Hunkta ya! nen yaʔu kte shinch eya hunshta. Zheched hokshina nina chande shija hunshta. Unma hi zhe chinge shin. Unma waxtena-shin zhe ech nina chin. Zheched wikishneye shin wiʔogijizibam en ye shin manin omani. Unshika hunshta.

SICC

Iƞto gan tiwic̀oda tibi. Tiwic̀oda duka waƞjiƞna huƞga c̀a witaƞga oti, huƞs̀ta. C̀uƞwiƞtku num wikos̀kebi huƞs̀ta. Jec̀a s̀uƞga-s̀ana haƞyakena hiyaya huƞs̀ta. Je duwa yuza s̀ten c̀uƞwiƞtku nuƞpin k’u kta geya huƞs̀ta. Jec̀en haƞyakena kos̀ka kiƞ iyuhana giktabi. Kuwabi huƞs̀ta. Kuwabi kes̀ duweni yuzes̀. Jec̀i ihaƞge ekta waƞgaƞgaƞna waƞjiƞ tagojakpagu hoks̀ina gic̀i ti.

Je c̀agniyaḣpe-kuwa. Hoks̀ina je ec̀en ec̀uƞ. Je kuwabi hoks̀ina je kte. Tanu jen egnaga s̀uƞga-s̀ana agna iḣpaya t’a. Haƞyakena gikta hiƞg wana s̀uƞga-s̀ana t’a wuƞga. Jec̀ed tida aki huƞs̀ta. Jec̀ed kuƞs̀itku yuġaba c̀ed huƞga je ti ekta dagu obemni a’i. Jec̀ed yumnaya; wana was̀tegina. Jec̀ed wana c̀uƞwiƞtku nuƞpin hoks̀ina hiƞgnayaƞbi kta gaya huƞs̀ta. Wi’ogic̄izibam jec̀ed owiƞja uƞma ekta egignag. Uƞma waḣtenas̀iƞ. Hoks̀ina owiƞja kiyana ya haƞdaƞ iyokis̀niƞ. Huƞkta ya! Huƞkta ya! nen ya’u kte s̀iƞc̀ eya huƞs̀ta. Jec̀ed hoks̀ina nina c̀aƞde s̀ic̄a huƞs̀ta. Uƞma hi je c̀iƞge s̀iƞ. Uƞma waḣtena-s̀iƞ je ec̀ nina c̀iƞ. Jec̀ed wikis̀neye s̀iƞ wi’ogic̄izibam en ye s̀iƞ manin omani. Uƞs̀ika huƞs̀ta.

Last Update: February 23, 2008