This is a portion of the story “The Hunter and his Dogs” written by Earnest Gouge in 1915. The orthography has been updated to the current form, as appearing in Totkv Mocvse.

Heyvt fakvn ayesasvtēt omet os cē.

Este hvmket enokkēt wakkvtēs. Momet ehiwv ocēt omvtēs. Momet hvtvm efvn sųlkēn ocēt omvtēs.

Momen mv este-honvnwv tat, ehiwvt mv este-honvnwv enokkan ennaoret arvtēs. Momet mv efvo ’somv̨lkvn enhomecētut ont, efv tat nvfketekayet mv hoktēt ’sarvtēs. Mont sumkēpat vrę̄pen, yafken rvlaket, mv hoktē arēt omvtēs.

Momen nettv hvmken mv hoktē sepekon yvfkvranet omen mv efv vpokat hvmket omv̨lkv ’sem vculēt vpvkēt omvtēs. Mont omvtētan, mv efv-vculet mv este enokkan aoh-ahtet em punayvtēs. Mont okat, Cehiwv tat cennaǫruset vrēpet ont, pomeu ’somv̨lkeyan punhomecepēt omētt os. Mont on mvnettvlket okakat, Fakvn ’sepoyēs, makaket os, kicet mv efv-vculet em onayvtēs, epucasen. Mont okat, Yvkapit vrvko tąyuset omēpekv, estohmvkos, kicvtēs. Momen efv-mvnettvlke em onayin, estos, makvkvrēs, kihcet omet, eriem onayen, Punt ’svpeyeyvrēs, makaken... Hvtvm Momēn makaks, kicet yem onayvtēs. Mont, Nake esfayē ’svrvkē tayat punt ’sem vpeyvranet okēs, kicakvtēs. Momam momvranen omēs kicvtēs.

Last Update: September 11, 2008