This is a text spoken by William Badger from the Thunderchild community of Saskatchewan, taken from the book ᑫᑌᐊᔭᐠ. It was written in the semi-pointed syllabics (a few long vowels marked, h-finals sometimes included), and with the raised dot ‹ ˙ › for the y-final, instead of the raised plus-sign ‹ ᐩ ›. Note also that when the y-final comes directly after the w-dot, they merge together to form a colon-like character ‹ : ›. This text is a narrative discussing William Badger's vision of an optimistic future. The punctuation in the original is not consistent

ᐁᐏᐊᒋᒧᐢᑖᑕᑯᐠ ᐁᑭ ᐃᑖᐸᐦᑕᒫᐣ ᐁᐏᑕᒪᑯᐏᔭᕁ ᐁᑐᑫ ᑕᐣᓯ ᓂᑲᐣ ᐁᐏᐊᑕᔨᐢᐸᔨᐠ ᐊᓄᐦᐨ ᑭᒥᔭᐢᑲᒧᐸᔨᑭ ᐅᒪ ᑲᒥᔪᐢᑲᒥ ᐏᑭᑎᒪᑭᓇᑯᐏᓯᐤ ᐊᔨᓯᔨᓂᐤ ᐊᐦᐳ ᑲᑯᓯᐟ ᑭᑕᒥᔺᔭᐤ᙮

ᐅᒪ ᐏᑕᒪᑯᐏᓯᐏᐣ ᑭᐏᑕᒪᑎᓇᐘᐤ ᐁᑘᒪᑲᕁ ᑭᑭᓭᑊ ᑲᐘᐸᐦᑕᒪᐣ᙮ ᑭᑭᓭᑊ ᓇᐣᑕ ᓂᔭᓂᐣ ᑎᐸᐦᐃᑲᐣ ᐁᐊᔨᑕᐱᔭᐣ ᒪᒥᕁ ᑕᐱᐢᑯᐨ ᐁᐃᓯᓇᒪᐣ ᒥᓯᐍᔭᐱ ᒥᑕᑕᐦᐟ ᓇᓇᑐᕁ ᐁᐃᓯᓇᑿᕁ ᐱᑌᔨᕁ ᐁᑯᑕ ᓂᐘᐸᒪᐤ ᐊᐏᔭᐠ ᓇᒧᔭ ᓂᓂᓯᑕᐏᓇᐘᐤ ᒪᑲ ᑖᐱᐢᑯᐨ ᐁᐃᓯᓇᐘᐠ ᐁᓵᑅᐢᑌᔨᐠ ᐊᓂᒪ ᑲᑭᑭᐢᑲᕁ ᑕᐱᐢᑯᐨ ᐁᒐᒐᑲᓯᓈᐢᑌᐠ ᐁᔭᑯᒪ ᐊᔨᓯᔨᓇᐘᐠ ᐊᓂᑭ ᑲᒋᒋᑲᓯᓇᐢᑌᐠ ᐁᔭᑿᐘ ᐁᐃᑢᐦᐊᐠ ᐅᐦᐃ ᑲᒐᒐᑲᓯᓇᐢᑌᑭ ᐁᔭᑯᒐ ᐁᐃᑌᒪᑲᕁ ᑲᑭᔭᐤ ᐊᔨᓯᔨᓂᐤ ᑫᔭᐱᐨ ᑭᓊᐢ ᐁᐏᐱᑕᐦᐟ ᐁᔭᑿᐘ ᑲᒥᐢᑿᐸᒪᐠ ᑫᑌᔨᑕᒪᐣ ᓇᒧᔭ ᑕᐱᐢᑯᐨ ᐊᔨᓯᔨᓂᐤ ᑕᐱᐢᑯᐨ ᐁᑐᑫ ᐅᓯᑯᐤ ᐊᐳᒋ ᐱᓯᒼ᙮

ᐃᐢᐱ ᐁᔭᑯᓂ ᐅᐦᐃ ᐁᐘᐸᐦᑕᒪᐣ ᓂᑲᑲᑭᓯᒧᐣ᙮ ᐃᐢᐱᑫᑌᐊᔭᐠ ᒪᒋ ᓂᑐᐦᑕᑯᐏᓯᑢᐏ ᐁᐊᐸᒋᐦᑕᒋ ᔪᑎᐣ ᐅᔦᔦᑐᑕᑫᐏᐣ ᐁᒋᔺᓯᐠ ᑭᑲ: ᐱᑯ ᑕᐱᑭᐢᑿᒋᑲᑌᐤ᙮

ᐁᔭᑯᒪ ᑫᓯᓇᒪᐣ ᓂᑌᔨᑌᐣ ᐅᑲᑭᓯᒧᐏᓂᐘᕁ ᐊᔨᓯᔨᓂᐘᐠ ᐁᐏ ᓇᐢᑯᒥᑯᐏᓯᒋᐠ᙮ ᓂᓇᓈᐢᑯᒧᐣ᙮

ᑲᓂᕁ ᒥᓇ ᓂᐘᐸᒪᐘᐠ ᓇᐣᑕᐤ ᓂᐢᑕᓇᐤ ᓇᐯᐘᐠ ᓇᐣᑕᐤ ᓂᔭᓇᐅᓴᑊ ᐏᐢᑫᐘᐠ ᑭᑲ: ᐁᑭᑭᐢᑲᐦᑭᐠ ᐅᑎᑎᐦᒪᓂᐘᕁ ᐁᐅᑕᐦᐱᑌᔨᐠ ᐁᐱᒧᐦᑌᒋᐠ ᑲᐏ ᐁᑭᐏᒋᐠ ᑕᐱᐢᑯᐨ ᑭᑲ: ᐁᑭᐢᑎᑫᒋᐠ ᐏᒥᔪᑭᐦᒋᑲᓂᐏᐤ ᓂᐘᐸᒪᐘᐠ ᓀᐦᐃᔭᐘ ᐁᒪᒪᐍᔭᑎᒋᐠ ᐁᒪᒪᐘᑐᐢᑫᒋᐠ ᓇᓇᑐᕁ ᐊᔨᓯᔨᓂᐤ ᐁᑐᑫ ᐅᒪ ᓂᑌᔨᑌᐣ ᐁᐏ ᑭᑎᒪᑭᓇᑯᐏᓯᐟ ᓇᐘᐠ ᐊᔨᓂᔨᐤ᙮

ᐊᐁᓇᐘ ᑲᐘᐸᒪᐠ ᐃᐢᑲ ᐁᐊᑕᒥᐢᑲᐘᐠ ᐁᐃᑘᐟ ᐊᔨᓯᔨᓂᐤ ᐏᒪᒥᓄᐦᑕᐦᐃᑯᐏᓯᐤ ᐅᑌ ᐊᑎᓂ᙮

Last Update: August 21, 2008