Text Example of ᐃᓄᒃᑎᑐᑦ / Inuktitut

This Inuktitut text is from the book ᓵᓕᐅᑉ ᐅᓂᒃᑳᖓ (Charlie’s Story) by ᓵᓕ ᐅᓄᒑᖅ ᓴᕕᐊᕐᔪᒃ (Charlie A. Saviakjuk). The book is entirely written in Syllabics – I believe the dialect is from Northern Québec, not using the ᐁᐯᑌ series – and is of a considerable length for a Native Language continuous text, 96 pages. The excerpt below is on pages five and six. The Roman orthography version accompanying the example is my direct transliteration from the Syllabics original and is not to be found in the book itself. This page uses no characters outside the Unicode standard.

ᓵᓕ ᓴᕕᐊᕐᔪᒃ ᐃᒻᒥᓂᒃ ᓂᓪᓕᕈᑎᖃᓲᖑᕗᖅ ᑕᐃᑦᓱᒪᓂᑕᑦᓴᔭᐅᓂᕋᕐᓱᓂ. ᐃᒻᒥᓂᓪᓗᑕᐅᖅ ᓂᓪᓕᕈᑎᖃᓱᖑᒻᒥᓱᓂ ᐅᓪᓗᒥᓂᑕᑦᓴᔭᐅᓂᕋᕐᓱᓂ. ᑕᐃᒪᓕ ᓵᓕ ᖃᓄᑐᐃᓐᓇᖅ ᑐᑭᓯᒪᒐᓱᓲᖑᓂᕐᒥᒍᑦ ᐱᐅᓯᖃᕋᒥᒃ ᐅᖃᕐᑕᐃᓕᖃᔭᖖᒋᑐᑦᓱᓂ ᑭᑦᓴᑐᐃᓐᓇᑐᑦᓴᔭᐅᒐᓂᓗ ᑕᐃᒪᐃᑦᓱᓂ ᑕᐃᑦᓱᒪᓂᑕᑦᓴᔭᐅᓂᕋᕐᓗᓂ ᐅᓪᓗᒥᓂᑕᑦᓴᔭᐅᓂᕋᕐᓗᓂᓗ ᐅᖃᕈᓐᓇᓯᐊᕐᑐᖅ ᐃᓱᐃᑕᓴᕈᓐᓇᐃᓗᓂ ᑕᐃᒪᐃᑦᑐᓂᕋᕐᓂᒥᓂᒃ ᐅᖄᓱᖑᒋᕗᕐᓗ ᐊᕈᑎᒋᖑᓂᕋᕐᓱᓂ ᑕᐃᑦᓱᒪᓂᑕᐅᑕᓱᓂᓗ ᐅᓪᓗᒥᓂᑕᐅᑦᓱᓂᓗ ᓯᕗᓂᕐᒥᓂᒃ ᕿᓚᓇᕐᓱᓂ ᐅᖃᓲᖅ ᐅᓪᓗᒥᐅᓕᕐᑐᕆᖅ ᐃᓄᐃᑦ ᓯᓚᕐᔪᐊᒥᐅᑦ ᖃᓄᐃᑦᑐᑐᐃᓐᓇᓕᒪᑦᓯᐊᑦ ᐊᔪᕐᓴᓇᖕᖏᑐᒥᓐᓂᓴᖓᑦ ᖃᓂᓐᓂᓴᐅᓕᕐᒪᑦ.

ᓵᓕ ᑕᓚᕖᓴᕆᐊᒥᒃ ᐅᓪᓗᕆᐋᓂᑦᑐᖑᐊᓂᒃ ᐊᓕᐊᓱᑉᐸᑐᖅ – ᑕᒥᖏᓐᓂᒃ ᐅᓂᒃᑲᐅᓯᖕᖑᐊᓂᒃ, ᑖᒃᑯᓇᓐᓂ ᑕᑯᓐᓇᑕᒥᓂᒃ ᑕᐃᒪᐃᓪᓗᑐᕐᑐᐊᓗᒍᓐᓇᖏᓐᓂᖏᓐᓂᒃ ᐃᓱᒪᓕᐅᕈᑎᖃᓲᖑᑦᔭᖏᑦᑐᖅ ᑭᓯᐊᓂᓕ ᐃᓱᒪᒍᑎᒋᔪᓇᕆᓲᖓ ᑕᒪᒃᑯᐊ ᐊᑦᔨᒐᓚᑐᐃᓐᓇ ᐅᑎᑦᓱᒋᑦ ᓵᓕᐅᑉ ᐃᓄᐃᓪᓗ ᐊᑐᕆᐊᖃᕐᓯᒪᔭᖏᓐᓄᑦ ᐅᑭᐅᓂ ᐊᒥᓱᖕᖏᑐᐊᐱᓐᓂ ᑕᐃᒪᐃᑦᑐᑯᑦ ᓱᕐᓗ ᐃᓅᐃᑦ ᐊᓯᑦᔨᐊᖃᕐᓯᒪᒻᒪᑕ ᐃᓅᓯᖏᑦ ᐱᐅᓯᑐᖃᖏᓪᓗ.

ᐃᓅᓕᓚᐅᕐᑐᖅ ᓵᓕ ᐅᐸᑎᒥ ᐃᓪᓗᒥᒃ, ᖃᓪᓗᓈᓪᓗ ᐃᓅᓯᖓᓂᒃ ᐊᑎᒋᐊᕐᐸᓕᐊᓯᓚᐅᕐᓱᓂ ᓈᓚᑦᑕᖃᕐᓱᓂ ᓯᕙᓂᕐᒥᒃ ᕿᖓᐅᑉ ᓵᖓᓂ ᓯᕙᓂᕐᑎᑕᐅᔪᒥᒃ ᐃᓕᓐᓂᐊᕕᓕᐊᖁᔨᒍᑎᐅᑦᓱᓂ ᑕᒪᒃᑯᑎᒍᓇ ᐊᓯᑦᔨᓂᐊᓗᑦᑎᒍᑦ ᐃᓅᒋᐊᖃᕐᓯᒪᒐᓗᐊᕐᓱᓂ ᓵᓕ ᐊᓐᓇᓯᒪᕗᖅ. ᑕᐃᒪᖕᖓᓂᓪᓗ ᐊᑦᓱᕈᒍᑎᖃᕐᐳᖅ ᐃᓗᕐᖁᓯᒥᓂᒃ ᐊᓯᐅᖁᔨᒐᓂ ᑕᐃᒪᐃᒐᓗᐊᕐᓱᓂᓗ ᓵᓕ ᑐᑭᓯᒪᑦᓯᐊᕋᓱᖏᓐᓇᓱᖑᕗᖅ ᖃᓪᓗᓈᑦ ᖃᓄᐃᑦᑑᓂᖏᓐᓂᒃ ᐃᓗᕐᖁᓯᕐᒥᒍᑦ.

ᓱᕈᓯᐅᑦᓱᓂ ᑕᑕᒥᓯᒪᓚᐅᕐᑐᕕᓂᖅ ᐃᓪᓗᒥᒃ ᕿᔪᒻᒥᒃ ᐃᑯᐊᓚᔪᐋᓗᒻᒥᒃ ᓄᖑᑦᓯᐊᓱᓂ ᐃᑯᐊᓚᔪᒥᒃ ᑕᑯᓐᓇᓱᓂ ᖃᓪᓗᓈᑦ ᐃᓪᓗᔪᐊᖁᑎᖓᓐᓂᒃ ᑕᒪᓐᓇᓗ ᑕᐅᑐᑦᓱᓂᐅᒃ ᐊᓂᕐᕋᒥ ᐊᐳᑎᐊᑉ ᐃᑯᐊᓪᓚᖃᔭᖕᖏᑑᑉ ᑲᑕᖓᓂ ᓇᖏᕐᓱᓂᐳᐃᒍᓚᐅᕐᓯᒪᓂᐅᔭᕆᓐᓇᐃᓯᒪᕙᐅᒃ ᑕᒪᓐᓇ. ᐃᓕᓐᓂᐊᕆᐊᖕᖓᓯᔪᕕᓂᖅ ᓵᓕ ᐃᓪᓗᔪᐊᒥ “ᐃᑯᐊᓪᓚᖃᔭᖕᖏᑐᖕᖏᑐᒥ” ᐊᓂᕐᕋᑖᑐᐃᓐᓇᕋᑕᓚᕐᒥᓱᓂᓗ ᑕᐃᒪᐃᑦᑐᒥᒃ ᕿᔪᒻᒥᒃ. ᓵᓕᓕ ᑲᑉᐱᐊᒋᔭᒥᓂᒃ ᓯᓐᓇᑐᒪᓗᑳᓗᔭᕐᑐᒥᒃ ᐊᑑᑎᓚᐅᕐᓯᒪᕗᖅ ᐃᓪᓗᔪᐊᖓᑦ ᕿᑐᕐᖓᕇᒍᑦᓱᑎᒃ ᐊᓂᕐᕋᖓᑦ ᐃᑯᐊᓪᓚᑐᐊᓗᑎᓪᓗᒍ ᓱᓇᐃᕆᑦᓱᑎᒃ ᐃᓚᒌᑦ. ᐊᔪᒐᐃᑦᑐᔫᔭᕐᑐᖅ ᓵᓕᐅᑉ ᐅᓪᓗᒥᐅᓕᕐᑐᖅ ᐱᓇᓱᒐᖓ ᐅᕐᖁᓯᓴᐅᑎᓕᕆᓂᐅᒻᒪᑦ. ᑕᑦᓱᒥᖓᓗ ᐱᓇᓱᑦᑕᒥᓂᒃ ᐃᓱᒪᐃᓐᓈᓗᒃ ᐱᑦᓯᐊᕋᓱᓲᖑᓂᕋᕐᓱᓂ ᖃᐅᔨᖃᑦᑕᓯᒪᔭᒥᓄᑦ ᐅᑭᐅᕐᑕᑐᒥ ᐃᑯᐊᓪᓚᑐᐋᓗᓐᓄᑦ ᑕᐃᒪᐃᑎᑕᐅᑦᓱᓂ. ᑕᒪᓐᓇ ᖃᐅᔨᖃᑦᑕᓯᒪᔭᖓ ᐃᑯᐊᓚᒃ ᐊᓪᓛᑦ ᒪᕐᕈᓂᒃ ᕿᑐᕐᖔᒥᓂᒃ ᐊᓯᐅᔨᒍᑎᒋᑲᓴᒃᓯᒪᒋᒥᐅᒃ.

Saali saviarjuk imminik nilliritiqasuunguvuq taitsumanitatsajaunirarsuni. Imminillutauq nillirutiqasungummisuni ulluminitatsajaunirarsuni. Taimili Saali qanutuinnaq tukisimagasusuungunirmigut piusiqaramik uqartailiqajanngitutsuni kitsatuinnatutsajauganilu taimaitsuni taitsumanitatsajaunirarluni ulluminitatsajaunirarlunilu uqarunnasiartuq isuitasarinnailuni taimaittunirarniminik uqaasungugivurlu arutigingunirarsuni taitsumanitautasunilu ulluminitautsunilu sivunirminik qilanarsuni uqasuuq allumiulirturiq inuit silarjuamiut qanuittutuinnalimatsiut ajursananngituminnisangat qaninnisaulirmat.

Saali talaviisariamik ulluriaanittunguanik aliasuppatuq – taminginnik unikkausinnguanik, taakkunanni takunnataminik taimailluturtualugunnanginninginnik isumaliurutiqasuungutjangittuq kisianili isumagutigijunarisuunga tamakkua atjigalatuinna utitsugit Saaliup inuillu aturiaqarsimajanginnut ukiuni amisunngituapinni taimaittukut surlu inuuit asitjiaqarsimammata inuusingit piasituqangillu.

Inuulilaurtuq Saali upatimi illumik, qallunaallu inuusinganik atigiarpaliasilaursuni naalattaqarsuni sivanirmik qingaup saangani sivanirtitaujumik ilinniaviliaqujigutiutsuni tamakkutiguna asitjinialuttigut inuugiaqarsimagaluarsuni Saali annasimavuq. Taimannganillu atsurugutiqarpuq iluqqusiminik asiuqujigani taimaigaluarsunilu Saali tukisimatsiarasunginnasunguvuq qallunaat qanuittuuninginnik iluqqusirmigut.

Surusiutsuni tatamisimalaurtuviniq illumik qijummik ikualajuaalummik nungutsiasuni ikualajumik takunnasuni qallunaat illujuaqutingannik tamannalu taututsuniuk anirrami aputiap ikuallaqajanngituup katangani nangirsunipuigulaursimaniujarinnaisimavauk tamanna. Ilinniarianngasijuviniq Saali illujuami “Ikuallaqajunngitunngitumi” anirrataatuinnaratalarmisunilu taimaittumik qijummik. Saalili kappiagijaminik sinnatumalukaalujartumik atuutilaursimavuq illujuangat qiturngariigutsutik anirrangat ikuallatualutillugu sunairitsutik ilagiit. Ajugaittujuujartuq Saaliup ullumiulirtuq pinasuganga uqqusisautiliriniummat. Tatsuminganu pinasuttaminik isumainnaaluk pitsiarasusuungunirarsuni qaujiqattasimajaminut ukiurtatumi ikuallatuaalunnut taimaititautsuni. Tamanna qaujiqattasimajanga ikualak allaat marrunik qiturngaaminik asiujigutigikasaksimagimiuk.