This is a part of a newspaper article by ᒉᒥ ᒧᓇᑐᕒᐢᑭ appearing in the March 26, 1998 edition of ᐗᐗᑌ ᐊᒋᒧᐎᓇᐣ (Wawatay News). The text is not pointed, so there are no long vowels and few h’s indicated. All of the characters in this text are included in Unicode.

ᐅᓇᓇᑐᓀᐊᓇᐗ ᐅᓂᑲᓂᑕᒪᑫᐠ ᐊᓂᐣ ᑫᑐᒋᑲᑌᑭᐸᐣ ᐱᐳᓂᒥᑲᓇᑲᓂᐠ ᑲᐃᔑᒪᒋᓭᐠ

ᒥᓯᐌ ᐌᑎ ᑭᐌᑎᓄᐠ ᓂᐡᑕᒼ ᐊᓂᔑᓇᐯ ᑕᔑᑫᐎᓇᐣ ᐗᐗᓀ ᑕᒥᓭᐗᐠ ᐅᒋ ᑲᐱᐳᐠ ᒥᑲᓇ ᑲᐊᔭᑭᐸᓂᐣ ᐅᓴᒼ ᐃᑕᐡ ᓄᑯᒼ ᑲᑭ ᐱᐳᐠ ᐁᑲ ᐁᑭᑭᓯᓇᐠ ᐊᐱᐣ ᐁᑭ ᐅᒋᒪᒋᓭᐠ ᑲᐱᒪᐗᑕᓱᐗᐸᐣ ᐱᐳᓂ ᒪᑲᓇᐠ ᒥᑕᐡ ᐁᔑᓭᐠ ᐁᓄᑌᓭᐗᐨ ᐗᓯᑲᓂᐱᒥᑌ, ᒥᒋᒪᐣ ᒥᓇ ᐗᑲᐃᑫ ᐊᐸᒋᒋᑲᓇᐣ᙮

ᒥᓯᐌ ᐌᑎ ᐊᓂᔑᓇᐯ ᐊᐢᑭᐠ ᐅᓂᑲᓂᑕᒪᑫᐠ ᒪᐗᒋᐃᑎᐗᐠ ᐁᑕᔑ ᑕᒧᐗᐨ ᐊᓂᐣ ᑫᑐᒋᑲᑌᑭᐸᐣ ᐅᐌ ᑲᐃᔑᓭᓂᐠ ᒥᓇ ᐃᓇᐱᐗᐠ ᐃᓂᐌᓂᐗᐣ ᒥᓯᐌ ᑲᓇᑕ ᑲᐅᑭᒪᐨ ᑲᔦ ᑲᐃᔑ ᐅᑭᒪᐅᐨ ᐅᐣᑌᕒᐃᔪ ᐁᐸᑯᓭᑕᒧᐗᐨ ᒋᐎᑐᑲ ᑯᐗᐨ ᑲᐃᔑᐸᐸᔑᓭᐃᑯᐗᐨ ᒥᒋᓭᐎᓂ᙮

ᐗᐌ ᐊᓂᔑᓇᐯ ᐊᐣᑭᐠ ᑭᒋ ᐅᑭᒪᑲᐣ ᒐᓬᐃᐢ ᑄᐠᐢ ᐊᔕ ᓂᐦᓱ ᐱᒥᑯᓇᑲ ᐅᑕᓇᐠ ᐅᑭ ᐅᒋᐊᓂ ᒧᑕᒪᐗᐣ ᑲᐊᓂᑫ ᐅᑭᒪᐎᓂᐨ ᔓᓂᔭᐅᑭᒪᑲᐠ ᒥᓇ ᑲᔦ ᐃᓂᐌ ᓂᐗᐣ ᐊᓂᔑᓇᐯᐠ ᑭᐌᑎᓄᐠ ᓇᐡᑕᒼ ᐊᓂᔑᓇᐯᐠ ᑲᐅᒋ ᐊᓄᑲ ᑕᒧᐗᐨ ᒥᓇᐗ ᑕᐡ ᐊᔕ ᐅᑭᐸᑭᑎᓇᐣ ᒋᐗᐸᒪᐨ ᑭᒋᔓᓂᔭ ᐅᑭᒪᑴᐣ ᒍᐣ ᐢᑐᐗᐟ ᑲᐃᔑ ᓂᑲᐊᓂᐨ᙮

ᑄᐠᐢ ᑭᐃᑭᑐ, ᐅᐌ ᑲᑭᐱᐳᐠ ᓄᑯᒥᑫ ᑭᐃᔑᒋᑫᐗᐠ ᒥᓯᐌ ᑲᓇᑕ ᑲᐅᑭᒪᐅᐨ ᑲᔦ ᑲᐃᔑ ᐅᑭᒪᐅᐗᐨ ᑲᐃᔑ ᐸᐱᑭᓯᐊᔭᑭᐣ ᐅᒪ ᑲᓇᑕ ᐁᑭ ᐱᒥᓭᐎᑐᐗᐨ ᓄᑌᓭᐎᓇᐣ ᐊᐸᒋᒋᑲᓇᐣ ᐌᑎ ᐊᓂᔑᓇᐯᑲᐠ ᒥᓇ ᐁᑲ ᐊᓂᔑᓇᐯᑲᐠ ᑕᔑ ᑫᐎᓂᐠ ᐌᑎ ᑭᐌᑎᓄᐠ ᐃᓀᑫ ᐊᓬᐳᕒᑕ᙮

ᐊᔕ ᑭᔑᐅᓇᑌ ᒥᓇ ᐃᔑᒋᑫᐎᐣ ᑭᒪᒋᑕᓂᐗᐣ᙮ ᑫᑯᓀᐣ ᑕᐡ ᑫᐅᒋ ᒪᓇ ᐃᔑᒋᑲᓂᐗᑭᐸᐣ ᐃᐌ ᐃᓀᑫ ᐅᒪ ᑭᐌᑎᓄᐠ ᐅᐣᑌᕒᐃᔪ᙮ ᑭᐃᑭᑐ ᑄᐠᐢ᙮

Last Update: August 21, 2008